Prisen blei delt ut på Skei under årsmøte til mållaget laurdag. Leiar Aud Lunde overrekte eit signert bilete av Oddvar Torsheim, skriv mållaget i ei pressemelding.
– For oss i heimefylket blei han som den heimkomne sonen. Med denne Målprisen ønskjer vi han velkomen heim, sa Lunde i talen sin.
- LES OGSÅ:
For den unge forfattaren har ikkje alltid skrive nynorsk. Etter at han debuterte med boka «Eg kom for å elske» i 2002, skifta han over til bokmål. Det blei fire bøker på den målforma.
- LES OGSÅ:
Men då det stoppa opp for han i skrivinga, fekk han råd om å byrje skrive nynorsk att.
– Det gjekk seint, men så losna det. I løpet av eit par timar skreiv eg det som blei innleiinga på «Så vakker du er», sa han under takketalen sin.
For ei veke sidan blei det kjent at forfattaren er nominert til Kulturdepartementet sin pris for barne- og ungdomslitteratur for boka «Så vakker du er». I haust vann han Brageprisen for denne boka.
- LES OGSÅ: