Anlegget i Ålesund vil etter alt å døme bli lagt ned på Nortura sitt styremøte den 28. oktober.
Etappevis utviding
I Førde må ny griseline og nye kjølerom vere på plass allereie innan utgangen av september neste år, fortel Eivind Fonn, fabrikksjef ved . Utvidinga skjer etappevis.
- Det som går på kjølekapasitet og oppgradering av griseline, må vere gjennomført til 1. september 2010. Det er ikkje realistist å tru at vi klarer å utvide storfefjøsen til den tid, men arbeidet vil truleg starte så fort ein får avgjerd om Ålseund, seier han.
Legg ned tre
Nortura-konsernet har starta ein omfattande effektiviseringsprosess etter store underskot den siste tida. Som ledd i ei omfattande innsparingspakke, blir slakteanlegga i Sortland, Ålesund og Haugesund etter alt å døme lagt ned.
Uvidinga i Førde vil auke storfeslaktinga med 30 prosent, medan grisevolumet blir nesten dobla som følgje av den nye griselina. Volumet for storfe blir uendra.
- Eit framtidsanlegg
I dag er det kring 140 årsverk ved anlegget. Dette vil truleg auke til 160 når anlegget i Ålesund er lagt ned. Fonn seier at det ikkje er tvil om at anlegget i Førde er eit som Nortura-leiinga vil satse på.
- Det er ingen tvil om at Førde er eit framtidsanlegg som blir satsa på, seier han.