Området har lenge vore utan mobildekning fordi ein sendar på Videseter vart teken ned. Vi har endeleg kome i mål, seier dekningsdirektør Bjørn Amundsen i Telenor.
– Vi er veldig glade for at vi har klart å få dette til, og at vi greier det ei veke før opninga, det er bra.
Fordi eigarane av Videseter Hotell kravde ein basestasjon på hotellet sitt område fjerna, har Stryn Sommarski lenge vore utan mobildekning.
- LES OGSÅ:
- LES OGSÅ:
- LES OGSÅ:
KLARSIGNAL FOR STRYN SOMMARSKI: Dekningsdirektør Bjørn Amundsen i Telenor.
Foto: Tone Merete Lillesvangstu / NRKSatsar på opning 24. mai
Av tryggleiksomsyn må ein ha mobildekning på plass, og det har difor vore usikkert om sommarskisenteret kunne opne som planlagt i slutten av neste veke. Ola Flo, dagleg leiar ved Stryn sommarski, er letta.
– Vi er veldig glade for det. Vi takkar sjølvsagt Telenor og Stryn kommune for ein godt utført jobb. Vi jobbar no vidare med tanke på opning av sommarskisenteret den 24. mai.
Mobildekninga på Strynefjellet er ei mellombels løysing som verkar ved hjelp av straum frå aggregata på sommarskisenteret, seier Bjørn Amundsen.
– Det vi har gjort er å etablere den med ein repeater og litt andre antenner og anna utstyr der oppe, og så har vi greidd å få eit innsignal frå ein annan basestasjon enn den som var på Videseter.
Rasfare på vegen kan utsette opninga
Men mobildekninga er ikkje den einaste brikken som må på plass før Stryn sommarski kan opne for sesongen. Mykje snø kan føre til at opninga må utsetjast, seier Ola Flo.
– Vegvesenet greier nok å opne vegen opp til Tystigen, men det må gjerast ei vurdering av rasfaren på siste stykket opp mot skisenteret.
- LES OGSÅ:
MOBILDEKNINGA PÅ PLASS: Stryn sommarskisenter.
Foto: NRK