Etter å ha sett sitt namn bak tre norske rekordar, har floraværingen levert ein sterk sesong på friidrettsbanen.
Øyvind Strømmen Kjerpeset har i tillegg sikra seg NM-gull, Kongepokal og sletta fem krinsrekordar.
- LES OGSÅ: Første kongepokal på 46 år
– Det har gått betre enn vi venta oss. Spesielt på sprintsida. Det lovar ekstremt godt for førre sesong, vedgjekk 21-åringen onsdag.
Stiller ikkje i helga
Han vurderte å stille på startstreken på 200 meter flatt på Lillehammer til helga. Dette har han no slått ifrå seg.
– Det er liksom den 200 meteren eg føler eg ikkje har fått alt ut på i år, men så er det også greitt å spare litt til neste år også, sa Strømmen Kjerpeset som dermed kan byrje å sjå framover mot neste sesong.
Satsar hardare
– Du går jo inn med kjempemykje sjølvtillit, motivasjon og offensiv. At sesongen har gått så bra, viser at eg har gjort dei rette tinga og kan bygge vidare på dette, seier han.
- LES OGSÅ: No skal han ned på 48-talet
21-åringen håpar også å kunne få på plass dei økonomiske bitane så han kan gå ned til halv progresjon på medisinstudia, for å satse så mykje som mogeleg på friidretten.