Miljøterapeut tiltalt for misbruk av stilling
Ein miljøterapeut, som tidlegare jobba på ein klinikk i bergensområdet, er tiltalt for å ha utnytta stillinga si for å skaffa seg seksuell omgang med ei langt yngre kvinne, skriv BA,
Kvinna var under behandling ved klinikken, og mannen skal ifølgje tiltalen ha utvikla meir enn fagleg interesse for pasienten. I etterkant av behandlinga hadde dei fleire møter og seksuell omgang. Forholdet vart meldt til politiet då helseføretaket fekk kjennskap til saka.
Mannen sin forsvarar, advokat Simon Skarstein Waaler, seier klienten ikkje erkjenner straffskuld.
Bistandsadvokat, Ellen Eikeseth Mjøs, seier til BA at kvinna har vore prega av det som skjedde.