Fleire mastekroner til Kvam og Granvin

Då luftspenn gjennom Hardanger vart vedtatt, lova regjeringa at dei råka kommunane skulle få 100 millionar kroner i kompensasjon.

I dag vedtok Hardangerrådet at 20 av dei 100 millionane bør gå til ein felles pott for alle kommunane.

• Lagrer mastene i motstandskommune
• Partilag legges ned i masteprotest
• Vurderer masterettsak mot staten

- Dei 80 resterande millionane meinte eg først burde fordelast utifrå talet på mastepunkt i kommunen, men etter høyringsrunden har me no vedtatt at dei bør fordelast etter talet på meter kraftlinjer, seier Anved Johan Tveit, som leiar i Hardangerrådet.

Granvin kommune vil få omlag 1,5 millionar kroner meir no når Hardangerrådet går inn for ei tilråding om utrekning utifrå meter kraftlinjer og ikkje mastepunkt.

Det er ordførar i Granvin, Jan Ivar Rødland, glad for.

- Eg er veldig glad, for me har heile tida meint at ein burde fordela midlane utifrå meter. Det er det mest rettferdige. Kronene skal vera med å avbøta på konsekvensane linja, og det er Kvam og Granvin, som saman med Ulvik er mest råka av dette, seier Rødland.

• Protestene fortsetter
• Aksjonister stoppet arbeid
• Har satt opp telt på mastepunkt