- Skredet gjekk ikkje heilt over fresen, men gjekk litt oppå. Sjåføren kom seg greitt ut, seier Eivind Yttri i Statens vegvesen.
Det var under brøyting ved Skjelingavatnet på riksveg 13 over Vikafjellet at snøskredet gjekk ved 19.30-tida måndag kveld.
Vegen er no stengd inntil vidare, melder Vegvesenet.
Treng nokre timar på å opne vegen
- Vi vurderte skredfaren før vi starta brøytinga, og fann ut at det var greitt å jobbe der. Men no har det komme nye skred, og vi vurderer strekninga som ikkje tilrådeleg å jobbe langs, seier Yttri.
Vegen over Vikafjellet har vore stengd sidan måndag kveld, og først ondag morgon vil Vegvesenet ta ei ny vurdering på om dei skal brøyte vegen.
- Vegen blir ikkje opna i dag, og det vil ta fire-fem timar frå vi eventuelt byrjar å jobbe til vegen igjen er open, seier Yttri.
- LES OGSÅ:
Skjedde i område med små skred
Han reknar den rasutsette strekninga til å vere sju-åtte kilometer midt oppe på Vikafjellet.
- Skjer det ofte at snøfresane blir tekne av skred?
- Nei, men det hender jo. Dette var eit relativt lite skred, men det skal ikkje skje i område med fare for større skred - det kan vere katastrofalt, seier Yttri.
PS: Fv 92 i Sogn og Fjordane er onsdag stengd mellom Vik og Framfjord i Vik kommune etter eit snøras.