Denne saka blir oppdatert kvar dag det er ny direktesending. Under her kan du sjå dei andre direktesendingane i opptak.
- Første tur var på Nordnes med forfattar Gunnar Staalesen som guide.
- Tysdag 24. mars gjekk turen til gruvene på Litlabø på Stord.
- Onsdag 25. mars kunne du vera med bak veggane på sjølvaste Brann Stadion i Bergen.
- Torsdag 26. mars var vi i Førde i Sunnfjord. Omvisar var Hans Jakob Reite.
- Fredag 27. mars var vi på Smelteverkstomta i Odda, saman med omvisar Terje Kollbotn.
- Måndag 30. mars var vi tilbake i Bergen. Byarkitekt Maria Molden tok oss med på ein historisk omvising i sentrum.
- Tysdag 31. mars gjekk turen til Vossevangen. Omvisar er Eirik Helleve, som jobbar som formidlar på Voss Museum.
- Onsdag 1. april vart det action då vi besøkte Bergen brannstasjon. Brannsjef Leif Linde viste oss rundt og vi får vere med på trening i sløkking av brann.
- Torsdag 2. april gjekk turen til Universitetsmuseet i Bergen. Dei har stengd dørene under koronakrisa, men opnar museet for oss. Omvisar var Henrik von Achen, direktør ved museet.
- Fredag 3. april gjekk turen til Hermansverk, den gamle fylkeshovedstaden i Sogn og Fjordane. Omvisar er Knut Henning Grepstad.
- Onsdag 15. april gjekk turen til den no så stille cruise- og togbygda Flåm. Omvisar er tidlegare reiselivssjef og ordførar Noralv Distad.
- Torsdag 16. april stod Røldal for tur. Ein gong var det Noregs nest mest besøkte pilegrimsmål, berre slått av Nidarosdomen. Omvisar er lokalhistorikar Oddbjørn Lynghammar.
- Måndag 20. april guida professor Jørn Øyrehagen Sunde oss rundt på Baroniet Rosendal.
- Tysdag 21. april var vi i industristaden Høyanger – bygda som har produsert aluminium i over hundre år. Bygda har overlevd to verdskrigar og eit utal finanskriser, men kva skjer no i koronakrisa? Omvisar er historikar Anders Timberlid.
- Onsdag 23. april fulgde vi Statsraad Lehmkuhl inn i dokk på Laksevåg. Vi hadde eitt team om bord i det 106 år gamle skipet, og intervjua Haakon Vatle i Statsraad-stiftinga.
- Torsdag 30. april er vi på Lammetun kystfort, yst i Fjaler ved innløpet til Dalsfjorden. Med eit mannskap på 96 befal og menige stod Lammetun kystfort med sine fire kanoner klart i 1942. I dag har anlegget blitt eit ynda turistmål for historieinteresserte. Omvisar er Frode Haugen.
- Onsdag 6. mai fekk vi ei omvising på den gamle brannstasjonen i Bergen, og tor turen med ein gammal brannbil opp til Skansen stasjon. Undervegs fekk vi høyre brannhistorie.
- Torsdag 7. mai går vi gatelangs i Måløy. Her fins ei av landets travlaste fiskerihamner, men byen har også ei spennande krigshistorie. Det var her leiaren for dei norske styrkane, Martin Linge, omkom saman med 141 andre menn i Måløyområdet. Omvisar er Terje Sølvberg.
- Fredag 15. mai er vi i Florø – staden som vart by ved kongeleg resolusjon under det stor sildefisket på midten av 1800-talet. Sidan har fiskeri og oppdrett, skipsbygging og oljerelatert verksemd vore viktig for kystbyen. Gatene er fulle av historie og lokalpatriotisme, og vi skal i dag få eit innblikk i dette med hjelp frå omvisarane Knut Magnussen og Harald J. Stavang.
Måndag 23. mars 2020: Nordnes i Bergen
Gunnar Staalesen er sjølv oppvaksen i bydelen, har plassert Varg Veum som nordnesgut og har leia eit utal byvandringar i området.
Gjennom smug og allmenningar tek forfattaren oss gjennom hundreår av historie som gjev oss ei betre forståing for korleis Bergen har blitt den byen den er i dag.
Tysdag 24. mars 2020: Litlabø på Stord
Her var Stordø Kisgruber i drift fram til 1967, og venelaget held framleis liv i det imponerande gruvearbeidet. Svovelkis var viktig for den tyske okkupasjonsmakta, og Litlabø vart åstaden for eit høgdramatisk raid av britiske kommandosoldatar.
Omvisar på Stord er Torbjørn Marthinsen.
Onsdag 25. mars 2020: Brann Stadion
Omvisar på Stadion er dagleg leiar Vibeke Johannesen.
Torsdag 26. mars 2020: Førde sentrum
Kan det skjule seg skattar i det nokre kallar Noregs styggaste by? Hans Jakob Reite tek oss med på ein fin rundtur i Førde i Sunnfjord.