Har du eit godt dialekt- eller favorittord? Då ønskjer vi at du deler det med oss på Facebook-sida vår. Vi trekkjer ut ein heldig som får eit NRK-krus i posten.
Språk engasjerer
Då Dialektriket på NRK skulle kåre det mest populære dialektordet i Norge i samband med Språket 2013, var det stort engasjement.
– Folk er opptekne av språket sitt og mange har eit nært forhold til det, seier Øystein A. Vangsnes frå Leikanger.
Han er professor i nordisk språk ved universitetet i Tromsø. Han har skrive boka Grautmål saman med Arve Uglum, der dei presenterte og forklarte ord og uttrykk frå Sogn og Fjordane.
– Mange tenkjer gjerne at enkeltord symboliserer eige mål. Nokre av orda blir brukte i kvardagen medan andre kan vere ord som dei oppfattar som symbol på dialekten dei eldre brukar, seier han.
- LES OGSÅ:
«Øye bra»
Vangsnes er oppteken av at sjela til ei dialekt ikkje ligg i orda, men i grammatikken og formverket.
– Når eg snakkar Leikanger-dialekt, er 99 prosent av alle ord lik andre dialekter. Det er bøyingane og klangen som gjer mi dialekt unik, ikkje orda.
– Kva er ditt favorittord?
– Det må vere øye og bauredl. Øye eit forsterkande uttrykk som i «øye bra». Bauredl blir brukt om ein som oppfører seg overlegent og lite sympatisk, seier han.
Måndag deler vi ut eit NRK-krus til ein av dei som deler sitt favorittord med oss. Bli med og del ditt favorittord!