Kronprinsparet feirar kristenretten på Moster 1. juni

Kronprins Haakon og kronprinsesse Mette-Marit kjem til Moster på Bømlo i Vestland 1. juni for å feire at det er 1000 år sidan kristenretten vart innført i Noreg av Olav den heilage. Det melder kongehuset i ei pressemelding.

Kronprinsparet kjem med kongeskipet «Norge» til Mosterhamn, der dei skal signere Tingsteinen ved Moster Amfi, få med seg jubileumsførestillinga, og kronprinsen skal halde tale.

I tillegg kjem statsminister Jonas Gahr Støre og stortingspresident Masud Gharahkhani same dagen.