Under årsmøtet vedtok fylkespartiet ein resolusjon der dei krev meir pengar til samferdsla.
Stort etterslep
Fylkeskommunen tok i 2010 over ansvaret 1.132 kilometer riksveg frå staten. No viser det seg at desse vegane har eit stort etterslep på vedlikehaldet.
Ei kartlegging gjort av Statens vegvesen viser at vegane
. I tillegg kjem naudsynte investeringar til rassikring.– Vi har over fleire tiår latt vegnettet vårt forfalle. Vi har brukt for lite pengar på vedlikehald på både riks- og fylkesvegane, vedgjekk avdelingsdirektør Nils Magne Slinde i Statens vegvesen region vest.
Krev styrking
Avdelingsdirektøren var klar på at det bør komme ei statleg tilskotsordning for vedlikehald av fylkesvegane, på same måte som rassikring får tilskot.
No krev Kristeleg folkeparti i fylket ei stor statleg styrking av vedlikehaldet på fylkesvegnettet, og auke i investeringsmidlar.
– Somme stader er vegnettet svært nedslite og det er grunn til å tru at det dermed kan føre til farlege situasjonar og ulukker, seier partiet i resolusjonen som blir sendt Transport- og kommunikasjonskomiteen på Stortinget og partiet si stortingsgruppe.
Fryktar stenging
Årsmøtet viser til at vedlikehaldsetterslepet kjem særleg fram når det gjeld tunnelar, kaier og bruer.
– Somme stader står ein overfor å stenge vegen dersom tunnelane ikkje vert rusta opp, skriv partiet og avsluttar:
– Dessutan er det trong for betydeleg meir midlar til investering i nye vegar for å binde saman og skape større bu og arbeidsområde, samt gjere det enklare for næringslivet i fylket.