Sidan tunnelen er utan noko form for dekning må redningsmannskapa ut av tunnelen for å få kontakt med naudetatane. Det går ikkje meiner Longva.
KREV NETT: Høyangertunnelen må få mobildekning meiner ordføraren.
Foto: Cosmin Cosma/NRK– I praksis betyr det at folk må komme seg ut av tunnelen, kanskje dei må gå eller eventuelt krype heile 3,5 kilometer dersom dei er midt i tunnelen. Så nå må mobilen komme på plass.
Fleire ulukker
Ordføraren er opprørt etter to alvorlege ulukker på kort tid i tunnelen. Onsdag kveld omkom ein mc-førar i tunnelen og i mai vart ein 17 år gamal gut alvorleg skadd.
- LES OGSÅ:
- LES OGSÅ:
- LES OGSÅ:
9.juni vedtok Stortinget at nødnettet skal byggast ut i heile landet, men kva tid det er ferdig veit ingen, opplyser Statens Vegvesen.
Utan planar for utbygging
Heller ikkje Telenor har planer om å bygge ut tunnelen med ordinær mobildekning fordi det kostar for mykje opplyser Bjørn Amundsen som er dekningsdirektør i Telenor.
TAR IKKJE REKNINGA: Telenor har ikkje planer om å bygge ut og ta rekninga sjølv, seier dekningsdirektøren.
Foto: NRKAmundsen førelår eit spleiselag mellom Høyanger kommune og fylket for å få mobildekning i Høyangertunnelen.
– Men Telenor byggjer jo ikkje naudnett. Men vi vil gjerne ha ein dialog på dette. men eg trur ikkje det er rett at Telenor skal bygge naudnett, og i alle fall ikkje ta heile rekninga.
Politikarane jobbar med saka
Leiar i Hovudutval for samferdsle i fylkeskommunen, Arnstein Menes, seier mobildekning i tunnelar er noko dei jobbar med.
Han utelukkar ikkje eit spleiselag for å få mobildekning.
Men det vil ikkje ordførar i Høyanger, Kjartan Longva, høyre snakk om.
– Dette er ein fylkesveg så kven som har ansvaret her veit eg ikkje, men det er Telenor som har linjenettet her - i den grad dei har nett for tida - så denne rekninga får dei ta.