Tidlegare i dag erkjende aktor Knut Broberg at saka var mindre enn han såg føre seg, men la ned påstand om fengsel i 21 dagar på vilkår for den tiltalte rektoren.
Rektoren var i utgangspunktet tiltalt for å ha lasta ned 350 pornografiske bilete av born, men dette talet er i løpet av rettssaka komen ned i mellom 20 og 40 bilete i tillegg til såkalla thumbs.
– Lang tid
Då aktor la ned påstand om fengsel på vilkår i 21 dagar torsdag, erkjende han også at saka burde vore oppe eit halvt år tidlegare, skriv Sogn Avis.
- LES OGSÅ:
– To år er lang tid og ei belasting for alle involverte, også for den tiltala. Dette har direkte konsekvensar for val av reaksjon, sa Knut Broberg.
– Uskuldig
Forsvarar Louis Anda meiner at hans klient er heilt uskuldig, og såleis ikkje må straffast.
– Saka fekk jo ei stor forandring i dag, først og fremst fordi påtalemakta lot det koke ned til mellom 15 og 20 bilete. Tiltalen innheldt jo at det var snakk om minst 350 bilete, så tiltalen blei jo kraftig endra og saka fekk jo i og for seg ei ganske dramatisk vending, seier Anda til NRK.
Mindre enn dei såg føre seg
Det har gått to år sidan mannen vart arrestert, mistenkt for å ha lasta ned overgrepsbilete av mindreårige på ei datamaskin.
- LES OGSÅ:
- LES OGSÅ:
Saka skulle etter planen opp i juni i fjor, men har blitt utsett ei rekkje gonger. Dette har både forsvarar og den tiltalte rektoren kritisert politiet før. Rektoren har heile tida nekta straffskuld i saka som starta måndag.
- LES OGSÅ:
– Men saka står fram som mindre enn det eg såg føre me då eg tok på meg aktoratet, sa Broberg ifølgje Sogn Avis.