Frå og med i dag må alle som skal fly frå norske flyplassar visa fram bevis for at dei har billett.
Nye EU-reglar
Bakgrunnen for den nye kontrollen er eit nytt EU-regelverk som Luftfartstilsynet har innført i Norge, opplyser
Passasjerane må visa billetten eller annan godkjent dokumentasjon ved eit kontrollpunkt før dei går gjennom sikkerheitskontrollen.
Dette er ifølgje Avinor godkjend som bevis:
- Ombordstigningskort /boardingkort
- Utskrift av elektronisk billett med dato for reise og navn på reisande
- SMS med dato for reise og navn på reisande
- Elektronisk kort som kan lesast i kortlesar der dette er installert
Kø i dag tidleg
På Bergen Lufthavn Flesland har kontrollen gått greit, unntatt ein kort periode i dag tidleg.
– Det var kø eit kvarters tid i dag tidleg. Vi skal evaluera dette og sjå om vi må gjera endringar for å få det til å flyta betre, seier sikkerheitssjef Lasse Solberg på Flesland.
Av alle passasjerane på Flesland i dag tidleg var det berre to som ikkje kunne legga fram nødvendig dokumentasjon.
– Folk har vore veldig flinke, seier Solberg.
Ifølgje Avinor har billettkontrollen gått greit ved dei andre større flyplassane i landet.