Steinane ligg utover vegen, og dei om lag ti personane som bur i området må gå til fots for å kome seg fram.
- Det er ikkje å rå til å opphalde seg rett under raset. Vi har skilta slik at det ikkje skal vere tilkomst. No må vegfarande gå forbi på gamlevegen. Der er det ikkje køyrbart, fortel Åge Guddal i teknisk etat.
Store mengder
Ein geolog skal i løpet av tysdag vurdere rasområdet.
Ifølgje Åge Guddal vil vegen forbli stengd i to-tre dagar.
- Det har vore ein del steinutgliding. Ein del stein sperrar vegen. Det er vel tale om tre-fire billass i mengde, fortel han.