Saman med kjærasten vart han for ein månad sidan arrestert av politiet, mistenkt for å ha omsett eit større kvantum narkotiske stoff. Etter det NRK kjenner til meiner politiet det dreier seg om tre-fire kilo.
– Vedgått omsetjing
Vesle julaftan var det fengslingsmøte i Fjordane tingrett, der mannen samtykte i å sitte fire veker til i varetektsfengsel.
– Klienten min har vedgått å ha omsett narkotika, men han er usamd med politiet om kor mykje som er omsett, seier advokat Louis Anda.
– Ingen kommentar
Ut over dette vil han ikkje seie noko meir om saka. Han viser til politiadvokat Knut Broberg, men denne har berre to ord:
– Ingen kommentar.
Ivar Blikra er advokaten til kjærasten til den varetektsfengsla Høyanger-mannen.