Mest av dei alle tener Eirik Bakke, som i tillegg til å heve lønninga si på Brann stadion, har eigardelar i både Eias Eigedom, Lægreid hotell og Intress Sport i Sogndal.
Sjå tabell nedst i saka.
Tente tre millionar
Den tidlegare Leeds-proffen er i skattelistene for inntektsåret 2010 oppført med vel tre millionar kroner - og ei formue på vel 12 millionar kroner.
- LES OGSÅ:
Eias Eigedom, der Bakke eig 33,3 prosent og er styremedlem, hadde ifølgje purehelp.no ein kraftig oppsving i fjor. Verksemda, som vart starta så tidleg som i 2004, driv utleige av eigen eller leigd fast eigedom. Rekneskapen viste i fjor eit resultat på 1,5 millionar kroner før skatt, mot 300 000 kroner i minus året før.
Medeigar i verksemda er tidlegare sogndalspelar, Asle Hillestad.
Butikk går bra
Bakke, Stig Nord og Reidar Gaute Dvergedal eig 33,3 prosent kvar i sports- og fritidsbutikken Intress Sport. Verksemda auka i fjor driftsinntektene med 11 prosent, og landa på eit resultat før skatt på 397 000 kroner. Dette var ein god del mindre enn året før då tilsvarande tal var nær ein million kroner.
Verksemda, som vart starta opp i 2008, styrka eigenkapitalen med 300 000 kroner, frå vel 2,8 millionar kroner i 2008.
Bakke sin eigardel i Lægreid hotell er 17,54 prosent.
P.S. Årets comet i Sogndal-trøya, Ørjan Hopen, er å finne langt nede på den interne inntektstoppen for fylket sitt flaggskip i fotball.