– Streikeviljen er svært god i heile fylket, seier Bjørn Martin Kormeseth, fylkesleiar i Fellesforbundet i Sogn og Fjordane.
Laurdag vart Hotel Alexandra, Scandic Sunnfjord hotel, Quality-hotella i Sogndal og Florø, Skei hotell og Høyanger hotell også tekne ut i streik. Utanfor Scandic Sunnfjord hotell i Førde har dei streikande måndag tatt plass under ein paviljong.
– Eg kan ikkje seie nok om kor langvarig dette kan bli, men vi har økonomi til å halde på lenge, seier Kormeseth.
Stille i frukostsalen
. Klokka 0800 er stille i frukostsalen, om det skuldast streiken skal vere usagt.
– På grunn av streiken har vi omstilt oss litt. Frukosten går som normalt, men vi er færre til å rydde og halde orden enn vi normalt er, seier hotelldirektør Odd Erik Gullaksen.
Men streiken byrjar å merkast ved hotellet vedgår direktøren.
– Det går litt seinare med rydding, vi har litt redusert lunsjtilbod, og vi har færre rom som vi kan selje. Vi vurderer situasjonen frå til dag til dag, og så håpar vi at det skal kome ei løsying, seier Gullaksen.
Kan streike lenge
136 tilsette ved fleire hotell i fylket er no tekne ut i streik. Til no har hotella likevel kunne drive nær som normalt.
Oddbjørn Aalen som, er distriktssekretær i Fellesforbundet, seier dei vil streike så lenge dei må for å nå fram med kravet om lokal forhandlingsrett.
– Fellesforbundet har ein bra streikekasse. Vi held på så lenge det er naudsynt. Vi står på dei krava vi har stilt, og meiner dei er rettvise, seier Aalen.