- Dersom ein finn jervehi i vår region er det meir eller mindre automatikk i at det blir hijakt, seier viltforvaltar Hermund Mjeldstad i Sogn og Fjordane fylkeskommune.
Berre ein av seks jerv tatt ut
Saman med fylka Hordaland, Rogaland og Vest-Agder utgjer Sogn og Fjordane region 1. Her er det gitt løyve til å ta ut seks jervar under lisensjakta denne sesongen.
Men berre ein jerv er blitt tatt ut. Den vart tatt i Nørdstedalen i Luster tidlegare i februar etter at jeger Leidulf Veka i løpet av vinteren har sete 20 dagar og venta på den.
- LES OGSÅ:
(Artikkelen held fram under biletet)
GJEKK I FELLA: Denne 13 kilo tunge hannjerven gjekk i båsen som jegeren hadde sett ut i Nørdstedalen. Det er den einaste jerven som er tatt på ordinær lisensjakt denne sesongen.
Foto: SNO AurlandOmstridd hijakt høgaktuelt
Dei to føregåande åra har lisensjakta på jerv vore heilt mislukka – ikkje ein einaste jerv har blitt tatt ut i region 1.
Det igjen har ført til ekstraordinære uttak, noko som også har betydd hijakt.
- LES OGSÅ:
Det er ei jaktform som er svært omstridd, fordi ein då finn fram til jervehi og tek ut både jervetisper og små jervekvalpar.
Seinast i 2009 vart fire jervekvalpar tekne ut med hijakt her i fylket.
- LES OGSÅ:
Region 1 - som Sogn og Fjordane ligg under - er i ei særstilling. Stortinget har sagt at det ikkje skal vere hi eller reproduksjon i området. Viss det vert registrert hi i fylket, så ligg det i korta att det blir hijakt.
Bondenæringa meiner det er viktig at det framleis vert tatt ut jerv. I 2009 vart det utbetalt 1,8 millionar kroner i erstatning til bønder som har mista husdyr på grunn av rovdyr berre i Sogn og Fjordane.
I 2010 var dette talet meir enn halvert.
- LES OGSÅ:
- LES OGSÅ:
Skal leite etter jervehi
Med berre ein jerv teken ut under lisensjakta er det nettopp hijakt som igjen vert aktuelt.
Statens Naturoppsyn skal utover våren kartlegge om det finst jervehi i Sogn og Fjordane.
- Dersom ein registrerer hi i Sogn og Fjordane, ligg det i korta at det vert hijakt, sa Knut Morten Vangen i Direktoratet for Naturforvaltning til NRK.no før jul.
Viltforvaltar Hermund Mjeldstad i fylkeskommunen har to forklaringar på at det berre er tatt ut ein jerv.
- Det betyr vanlegvis to ting. Det er vanskeleg å jakte jerv i Sogn og Fjordane. Det andre er at det kan bety at det er mykje mindre jerv denne vinteren enn det har vore tidlegare år, seier Mjeldstad.