Jubileumskonsert i NRK-hagen

Når NRK Sogn og Fjordane fyller 30 år den 2. oktober inviterer vi deg til å oppleve to store radiosendingar på direkten.

På radio og nett-tv

Du kan oppleve sendingane i det store teltet vårt gratis. Eller du kan høyre og sjå sendingane på radio og nett-tv. Sendingane går kl 11-13 og 16-17.30 fredag 2. oktober.

Denne dagen kan du også prøve deg som journalist på vår open dag.

Mange lokale stjerner

Til dei to sendingane har vi invitert nokre av artistane som har hatt store fylkestoppar dei siste åra.

Olav Stedje

Olav Stedje er ved sidan av Tone Damli Aaberge den artisten i fylket som har solgt flest plater. Han er også den mest spelte lokale artisten på fylkesradioen gjennom dei siste 30 åra. Han speler sine største hittar på scena under jubileet.

Oddvar Torsheim

Oddvar Torsheim har hatt fleire melodiar som har blitt svært populære i fylket. Kunstnaren sin rolige song om galningen, eller den meir sprelske Larris tok ein farris, er melodiar dei fleste i fylket har høyrt.

Rynka

Frå Høyanger kjem Rynka som har hatt to store slagera i fylket. Både Fanaraaken og Kloumanns Allè er melodiar som har gått svært mykje i NRK Sogn og Fjordane. Dei har ikkje spelt saman på mange år, og samlast berre for jubileet.

Odd Erik Lothe

Odd Erik Lote fekk som vokalist i Fabel ein nasjonal radioslager med Jordbær og grasbrann. Etter dette kom det fleire plater med gruppa der mange har blitt mykje spelt på fylkesradioen.

Sigrid Moldestad

Folkemusikaren Sigrid Moldestad har hatt fleire populære songar på fylkesradioen. Både åleine og saman med Liv Merete Kroken i Spindel. Moldestad fekk Luttprisen i 2007 då ho vart kåra til beste artist i fylket av NRK Sogn og Fjordane sine lyttarar.

Billa and the kid

Sogningane i Billa and the kid spelar på humor i tekst og framføring. For nokre år sidan hadde dei ein fylkesslager med songen om 69-modell, grå ford cortina. No er dei aktuell med songen om Vikahuset. Billa and the kid vert rekna som eit av dei beste konsertbanda i Sogn.

The Sex Vikings

Bandet med Ola Weel Skram frå Sogndal i spissen, gjorde ein strålande innsats på Ungdomens kulturmønstring i vår. Den store rockefestivalen Malakoff vart så begeistra at dei plukka med seg bandet til festivalscena på Nordfjordeid. Etter dette har bandet hatt fleire spelejobbar og blitt enno meir rutinerte. Resultatet får du oppleve under jubileet til NRK Sogn og Fjordane. Dette er unge talent vi er stolte av å få vise fram.

Christina Knudsen

Jølsterjenta kjem frå ein svært musikalsk familie, og går nett no på Firda vidaregåande skule. I Lutt si septemberutgåve imponerte ho då ho framførte ein sjølvalaga låt live i studio. Christina skriv både tekst og melodi sjølv, og har ein draum om å leve av musikken. Vi gler oss over å vise fram nok eit ungt talent frå fylket.