– Nummer ti spelte veldig god volleyball. Han er ikkje høg, men er veldig teknisk, seier Valerio Vermiglio til NRK.no.
Oppleggjaren er rekna blant verdas beste i sin posisjon, og er å finne på det italienske landslaget. Onsdag hadde han ein grei dag på jobb då Novy Urengoy slo Førde 3-0 i Førdehuset - men han la spesielt merke til éin motstandar.
– Ja, han bli god. Han spelte godt i mottak og forsvar. Sjølv om han ikkje er så høg - akkurat slik som eg - så er han god også i angrep. Han burde komme seg ut i Europa for å ta nye steg, seier Vermiglio.
Han utdjupar:
– Han kan bli best i Norge ved å bli her, men han må matche seg mot betre spelarar for å bli så god som han har potensial til.
(Artikkelen held fram under biletet)
- LES OGSÅ:
Vil gjerne bli proff
Sjølv har Tvinde eit mål om å spele proff ein gong i framtida.
– Eg må berre halde fram å trene og spele godt i slike kampar, så kjem det sikkert ein moglegheit, seier han.
– Kva synest du om eigen innsats i denne kampen?
– Eg slår inn ein del poeng, og tek vel greitt imot. Det er kjekt å slå forbi spelarar som har så godt betalt, seier Tvinde.
- LES OGSÅ:
Får tøff oppgåve
Førde hadde i realiteten lite å stille opp med mot den russiske overmakta i Førdehuset onsdag. Heimelaget heldt motstandaren til 14-14 i det andre settet, men nærmare kom dei ikkje settpoeng.
- LES OGSÅ:
- LES OGSÅ:
- LES OGSÅ:
Returkampen blir spelt i Sibir om tre veker.