Seint fredag kveld var han ein av ni modige hopparar som sette utfor den lange og bratte Trovikbakken i MGP-byen Florø. Hoppet var på kaikanten og skihopparane enda rett ut i sjøen. Mange skodelystne hadde stilt seg opp langs bakken.
– Det var så gøy at eg hadde lyst å gjere å hoppe ein gong til, fortel Carl-Fredrik K. Furset.
Men med null grader i lufta og to-tre plussgrader i vatnet, blei det ei heller kald affære. Han hadde på seg tørrdrakt, men blei ganske våt likevel.
Vann sitt eige arrangement
Furset var ein av arrangørane og enda opp med å vinne sitt eige arrangement.
– Eg spør meg kor heldig det er. Eg får vel nesten gi bort premien som er to billettar til ein Kaizers-konsert, ler han.
Det heile blei nemleg avgjort ved at dommarar langs bakken gav karakter. Furset fekk svært god fart, då han starta på ei rampe som stod på ein bil. Han seier det var svært gøy å vere med.
– Eg er utruleg nøgd både med hoppet mitt og sjølve arrangementet. Eg håper vi kan halde fram med dette, sjølv utan MGP neste år. Florø-folk likar litt sprell, seier han.
- LES OGSÅ:
- LES OGSÅ:
Siste innspurt
Han har travle dagar, for han er med i den lokale prosjektgruppa for MGP-delfinalen. Han er også produksjonsassistent for Dinamo medan MGP pågår i Florø.
– No er det siste innspurt før det brakar laus i kveld. Vi har god kontroll og gler oss til showet, seier han.
- LES OGSÅ:
- LES OGSÅ:
Direkte på NRK1 og i nett-TV
Sjå delfinalen i Florø på NRK1 klokka 19:55 i kveld. Du kan også sjå sendinga i nett-TV.
Nrk.no/sf kjem med fyldig dekning i tekst og bilete av folkefesten utover kvelden.