Vedtaket blei gjort på Hordaland Høgre sitt fylkesårsmøte i går, skriv Bergensavisen.
– At ein stor SUV med dieselmotor må rekna med å betala 50 prosent meir er ikkje usannsynleg. Skal dette virka, må auken vera vesentleg, seier Tom-Christer Nilsen, som er Høgre sin fylkesordførarkandidat i Hordaland.
Dieselbilar er ei viktig kjelde til utslepp av helseskadelege NOx-gassar.
Høgre-leiar Erna Solberg var tilstades på møtet, men er ikkje begeistra for vedtaket.
– Eit tilsvarande forslag blei nedstemt i Oslo, seier Solberg.
Det er sannsynleg at også Bergen Høgre på sitt årsmøte vil gå inn for dyrare bompengar for dieselbilar.
Kva meiner du om dyrare bompengar for dieselbilar?