Det var latter og breie smil i høgreleiren på den store valvaka i Førde. Åtte nye blå ordførarar i Sogn og Fjordane var meir enn fylkesleiar Bjørn Lødemel torde å håpa på.
– Det har blitt så mange av dei at vi har nesten ikkje kontroll. Vi har jo fått Askvoll, Aurland, Balestrand, Gaular og Vågsøy. Ikkje minst har vi eit fantastisk val i Stryn med over 30 prosent. Det er jo heilt fantastisk, seier Lødemel.
Trur det blir moro
Dei nye høgreordførarane var omsverma av journalistar. Ein av dei var Noralv Distad i Aurland.
– Det er ein fantastisk framgang for oss. Det blir mange ordførarar og varaordførar rundt om, så dette blir moro framover.
- LES OGSÅ:
- LES OGSÅ:
- LES OGSÅ:
Håper på klubba i Florø og Førde
Høgre gjorde eit brakval også i Hornindal og Solund med over 30 prosent av røystene, men der makta dei truleg ikkje å slå kloa i ordførarklubba.
I Førde og Flora kunne høgrefolka derimot applaudera. I begge sunnfjordsbyane blir det truleg blå ordførar, sjølv om Olve Grotle i Førde ikkje torde å sleppa jubelen laus.
– Men det er klart at når vi gjer vårt beste val nokon sinne her, så er det veldig gledeleg, seier Grotle.
- LES OGSÅ:
- LES OGSÅ:
- LES OGSÅ:
Høgre har i siste periode hatt to ordførarar i Sogn og Fjordane. Det er Einar Målsnes i Balestrand og Edvin Haugen i Hornindal.