Etter 90 minutt kom Tromsø frå kampen med 0-0 og eitt poeng. Nordlendingen lengta på si side heim til kunstgraset i Tromsø.
Han meiner det ikkje burde vore lov å spele eliteseriefotball på ei bane som Fosshaugane.
- LES OGSÅ:
- SJÅ: Kampen i bilete
- Når vi har lisensar kring om for å sette standard på tribunar, dusjar og garderobar, så må ein vente at det viktigaste, grasmatta, held kvalitetar som er utviklande for norsk fotball, seier Høgmo.
Annan fotball
- Hadde bana stroke i dag dersom det hadde vore eit slikt lisenskrav?
- Det trur eg definitivt. Dette har ingenting med å skylde vekk resultatet, men at ein ynskjer ein annan type fotball, seier han.
Med dei første kampane 18. mars, fekk den norske toppfotballen ein rekordtidleg seriestart i år.
(Artikkelen held fram under TV-saka)
- Taktisk fint
På grunn av den tidlege sesongstarten, har klubbar med naturgrasmatter som Sogndal fått utfordringar med å få banene speleklare.
- LES OGSÅ:
Trenar på Fosshaugane, Harald Aabrekk, ler vekk kritikken frå Tromsø-trenaren. Han gledde seg over at det var heimelaget som klarte seg best på det vanskelege underlaget.
- Det er taktisk fint av Per Mathias. Når vi er betre enn dei, så er det greitt å trekkje fram bana. Eg trur ikkje han frå Tromsø skal gjere det. Eg har vore i Tromsø i nokre år og spelt nokre kampar der oppe. Eg trur ikkje han er i posisjon til å snakke om bana akkurat, seier han.