Og grunnsteinen var ein heilt spesiell figur av ein viktig motstandsmann.
– Vi skal no markere at vi har kome til ein milepæl i vårt arbeid med å realisere eit krigshistorisk kunnskapssenter, fortel lokalhistorikar og pådrivar for senteret gjennom ei årrekke, Terje Sølvberg.
Måløyraidsenteret skal markere det allierte åtaket på tyskokkuperte Måløy i 1941. Fleire tyske soldatar vart drepne, og ikkje minst den norske motstandshelten Martin Linge. Senteret vil innhalde ei rute mot krigsåra, den største mot Måløyraidet.
Under 8. mai markeringa i Måløy i dag vart det holdt ei spesiell markering ved Herradsheim, der det framtidige Måløyraidsenteret skal plasserast. Ein figur av Martin Linge vart avduka og markerte starten av det som skal kome her. Ein viktig milepæl.
(Artikkelen held fram under bileta)
SJÅ BILETE FRÅ MARKERINGA I MÅLØY:
– Det handlar om å ta vare på krigshistoria for komande generasjonar. Ein møter i dag interesse for krigshistoria, også blant dei unge, seier han.
Eit slikt senter har både ein nasjonal og internasjonal interesse, meiner Solvberg.
- Les også:
- Les også:
Vil bryte målstreken neste år
– Eg trur det skal bli eit spennande og interessant senter både for skular og folk flest, seier han.
Etter mykje usikkerheit om dei i det heile vil klare å realisere senteret har dei no fått støtten dei treng, og i dag legg dei ned første grunnstein.
- Les også:
Sølvberg håpar på realisering av senteret så fort som mogleg.
– Vi ønskjer å bryte målstreken neste år. Då er det 75 år sidan Måløyraidet og 75 år sidan Martin Linge mista livet kamp her. Det er ein god jobb som skal gjerast, men no går vi framover.
– 8. mai betyr mykje
Måløy var ein av fire stader i landet forsvarsdepartementet valde å markere firgjeringsdagen i dag. Her var det både utdeling av krigsminnemedalje og veterantreff. Over femti veteranar hadde i dag teke turen til Turnhallen i Måløy.
- Les også:
Veteranar frå dei norske utanlandsstyrkene også etter krigen var invitert.
Ein av dei var Odd Oldeide. I 1947 var han ein del av tysklandsbrigadane.
– Vi var faktisk dei første som var ute av landet i slike fredsbevarande operasjonar rett etter krigen, fortel veteranen.
Dette var ei ny oppleving for han og dei andre unge 20-åringane.
– 8 mai er ein dag av stor betydning. Å få att freden etter å ha vakse opp med krigen. Det er mange episodar frå den tida ein gjerne skulle vore forutan, fortel Oldeide.
Han set difor ekstra stor pris på frigjeringsdagen og dagens markering.