- Eg er ikkje overraska over prisforskjellane, seier Heidi Berge, eigedomsmeklar i Sparebanken Sogn og Fjordane.
- LES OGSÅ:
Sogndal på topp
Prisen på eit husvere i fylket varierer veldig frå kommune til kommune. Gjennomsnittsprisen per kvadratmeter er per dags dato i Sogn og Fjordane 15 835 kroner.
Skal du kjøpe hus i Sogndal må du punge ut. Der er snittprisen høgast på 27 132 kroner per kvadratmeter ifølgje Finn.no.
- Sogndal har hatt ein del utbyggingar av leilegheiter dei seinare åra. Og sentrum i Sogndal er eit pressområde, seier Berge.
- LES OGSÅ:
Store lokale skilnader
Det fører til at prisen går opp. Og tru det eller ei, men jo lågare kvadratmeter bustaden har, jo høgare vert prisen.
- Det er slik at det er leilegheiter som kostar mest, og då spesielt nye leilegheiter.
Men ein treng ikkje reise langt frå Sogndal for å få rimelegare bustader. I Leikanger er gjennomsnittsprisen per kvadratmeter på 8 247 kroner.
- LES OGSÅ:
Høyanger på botn
Høyanger ligg på botn av lista med snittpris på 7 149 kroner per kvadratmeter.
- Høyanger har ein del eldre bustader, og då einebustader. Det fører til at prisen går ned. Dei har slite på arbeidsmarknaden i tillegg, og det fører også til at prisane ikkje går opp, forklarer eigedomsmeklaren.
Korleis det går med viktige arbeidsplassar som Hydro og Fundo har også vore med på å justere prisane på bustader i området.
- Det har vore slik i mange år, seier Berge.
- LES OGSÅ:
Kan koste 30 000 pr/kvm
Førde ligg lågare enn Sogndal. Berge seier Sunnfjordbyen har ein god variasjon av bustader.
- I Førde varierer prisane veldig. Det er jo kjendt at nye leilegheiter i området kostar mykje. Der kan prisen komme opp i 30 000 kroner per kvadratmeter, seier ho.
Men har du ei leilegheit frå 70-tallet går prisen ned.
- Snittprisen i Førde er lågare enn i Sogndal, men det trur eg har noko med miksen i bustadane å gjere.
- LES OGSÅ:
Ingen hus til sals
Det er to kommunar som ikkje har bustader til sals per dags dato. Det er Aurland og Balestrand.
I Hyllestad er det eitt hus til sals til ein pris av 1 780 000 kroner for 97 kvadratmeter.
- LES OGSÅ: