Quizen er ei ganske lett blanding, der storparten av spørsmåla er knytte til Sogn og Fjordane, kommunane i trivselsfylket og personar som har tilknyting til fjella og fjordane våre.
Set deg gjerne saman med nokon, finn fram penn og papir – og du er klar.
Notèr ned første bokstaven i svaret, og alle bokstavane blir til eit løysingsord. Det sender du inn i svarboksen nedst på sida.
Vi plukkar ut ein vinnar kvar dag. Desse får ein kopp med litt julegodis i posten. Av alle dei som sender inn rett svar i løpet av romjula og nyttårshelga, plukkar vi ut ein vinnar som får ein DAB-radio.
Er du klar? Her er dagens quiz:
- Gaular-selskapet vann på seinsommaren i år konkurransen om å få frakte losar til og frå fartøy som skal til land ved dei største oljeterminalane langs norskekysten. Kva heiter selskapet?
- Politiet slo utbåtalarm etter vitneobservasjonar 21. mars i år. Men i kva fjord var det folk meinte dei hadde sett ein ubåt med periskopet oppe?
- 20 år etter at Stian Grimseth tok EM-gull på norsk jord stod han i mai i år i bresjen for eit nytt EM i Norge. I kva idrett?
- Kva plass kom Sogndal på i årets eliteserie i fotball? Skriv svaret med bokstavar.
- Både Hellbillies, Vassendgutane og amerikanske Sweethearts of the Rodeo stod på hovudscena under årets festival. Kva heiter den?
- Uvêr førte i januar til ein langvarig straumstrans ved Hydro sitt anlegg i Årdal. Hugsar du namnet på uvêret?
- Vilde Hjelle og Anna Naustdal frå Eid vann i haust MGP-junior med sin låt "Vestlandet". Over kva fjell køyrde dei då ideen til songen dukka opp?
- Tidlegare i år vart det starta opp ein privatskule i Fjaler. Fullfør namnet til skulen, Fjaler?
- To nordfjordingar er trenarar for det norske kvinnelandslaget i langrenn. Ein av dei er frå Gloppen. Veit du kva han heiter til førenamn?
- Fotballspelaren frå fylket er på lista over dei som har spelt flest kampar for Brann gjennom tidene. I haust vart han først dumpa av klubben, før han ein månad seinare fekk skrive ny kontrakt. Kven snakkar vi om? Vi vil ha førenamnet.
- Målrock-publikummet tok heilt av då tenåringsidola Marcus & Martinus spelte i Meieriparken i august. Men veit du kva fylke brørne kjem frå?
- Over 2000 studentar stod i sommar på venteliste ved Høgskulen i Sogn og Fjordane. Ei utdanning i Førde hadde 650 studentar på venteliste. Fekk du med deg kva studium det var?
Fristen for å sende inn rett svar er ved midnatt same dag som quizen er lagt ut.
Om du ikkje får skjemaet til å fungere kan du sende løysingsordet saman med namn og adresse til konkurranse.sfj@nrk.no
Lykke til!
- Her finn du alle svara: