Bur du i vesle Gaular kommune, må du ut med heile 15.344 kroner i kommunale avgifter i året.
Bur du derimot i industrikommunen Årdal, slepp du unna med 7179 kroner i året.
Med andre ord: Det er dobbelt så dyrt i Gaular samanlikna med Årdal.
- Treng samarbeid mellom kommunar
Skilnadene mellom norske kommunar er nemleg store, syner ei undersøkjing gjennomført for Huseiernes Landsforbund.
Ifølgje statistikken er det langt dyrare å bu i små kommunar samanlikna med dei største kommunane.
- Når nokre småkommunar har meir enn tre gongar så høge avgifter som nokre større kommunar, er det eit tydeleg teikn på enorme stordriftsfordelar. Her treng vi kommunesamanslåing eller interkommunalt samarbeid snarast, seier administrerande direktør Peter Batta Huseiernes Landsforbund til VGnett.
Gaular mellom landets dyraste
Det er Statistisk sentralbyrå som har henta inn tala på oppdrag frå HL. Dei er baserte på kommunane sine eigne innrapporteringar i databasen Kostra.
I Sogn og Fjordane er det store skilnader mellom kommunane. På stader som Årdal, Flora, Naustdal og Sogndal er dei kommunale avgiftene relativt låge.
Ifølgje statistikken har avgiftene falle med heile 18,1 prosent i Førde frå fjoråret.
Paradoksalt nok er nabokommunen Gaular den dyraste kommunen i fylket. Med over 15.000 kroner i året i kommunale avgifter er kommunen samstundes mellom dei aller dyraste i landet.
Sjekk din kommune her:
Tabellen syner kor mykje kommunane krev i kommunale avgifter - det vil seie avgifter for vatn, kloakk, renovasjon og feiing, men seier ingenting om eventuell kommunal eigedomsskatt.
Du finn meir detaljert oversikt over dei kommunale avgiftene her.