Henta medaljar på benkpress-NM

Med eit sisteløft på 122,5 kilo, slo han den norske rekorden med 2,5 kilo. Den var det for så vidt han sjølv som hadde.

- Eg er godt nøgd med at eg fekk til å løfte så bra. Det var målet mitt når eg reiste ned, seier Myrvang til NRK etter stemnet.

Myrvang løfta i klassen 53 kilo, junior, og pressa opp over dobbelt så mykje som si eiga kroppsvekt. Han har allereie imponert så mykje at Norges styrkeløftsforbund vil satse på han fram mot Paralympics i London 2012.

• LES OGSÅ: Fredrik satsar mot Paralympics

Fleire norske rekordar

Det var også fleire benkpressarar frå Sogn og Fjordane som gjorde det sterkt under meisterskapen som gjekk i Bjølsenhallen i Oslo.

Dag Andre Mo frå Sogndal IL hadde to sterke løft. I det andre løftet sette han ny norgesrekord for senior med 275 kilo.

I tredje løftet prøvde han å flytte rekorden endå litt til. Men 282,5 kilo vart ikkje godkjent.

• LES OGSÅ: Dag Andre Mo på landslaget

(Artikkelen held fram under biletet)

Vann med berre 2,5 kilo

Roger Navarsete (21) frå Sogndal sikra seg gullmedaljen i klasse 93 kilo, junior. Det gjorde han med eit løft på 212,5 kilo. Det var aller mest av dei 13 løftarane i vektklassen.

- Eg følte det gjekk ganske bra i dag, og er veldig nøgd med resultatet, seier Navarsete til NRK.

Det er tredje NM i benkpress sogningen er med på, og hans aller første gullmedalje.

- Det er spesielt kjekt å vinne når det er så tøff konkurranse, seier Navarsete som fortel at det berre var 2,5 kilo som skilte mellom gull og sølvmedaljen.

• LES OGSÅ: Sette norske rekordar i fleng
• LES OGSÅ: Sokkelest hindra EM-bronse

Sogningar på 4. og 6. plass

Jonas Nyløy Navarsete, også han frå Sogndal, løfta 120 kilo, og enda til slutt på fjerde plass i klassen 74 kilo junior.

Jan Åge Øy frå IL Jotun løfta i klasse 105 kilo, junior. Han pressa opp 202,5 kilo, men dette var berre nok til ein sjetteplass.

Frå same klubb deltok Arve Otto Nundal i klasse 83 kilo. Han prøvde tre gonger på 170 kilo, men fekk underkjent alle løfta.

• SJÅ ALLE RESULTATA HER

PS: Søndag er det veteranløftarane som skal i elden. Då løftar både Arild Kråkenes og Geir Reidar Hestethun, begge frå IL Jotun.