– Biffy Clyro er det perfekte Malakoff-bandet. Dei leverer kvalitetsrock av fremste internasjonal klasse, seier ein glad festivalsjef Arnt-Ivar Naustdal i ei pressemelding.
Han seier festivalen er ekstremt stolte over å få skottane til Nordfjordeid.
Bandet som tel tre personar har sidan debutalbumet i 2002 gitt ut fleire kritikarroste album.
I 2011 kåra NME og Q Magazine dei til verdas beste liveband, og skottane har spelt på dei største festivalane i Europa.
Dei vitja Hovefestivalen i 2010, og spelte ein energisk konsert som fekk strålande kritikkar.
I år er dei aktuelle med dobbeltalbumet "Opposites". I tillegg til Malakoff er dei bekrefta til Slottsfjellfestivalen og Bergenfest.
– Luktar svidd
– Vi har alt no ein ein lineup det luktar svidd av, meiner festivalsjef Naustdal.
- LES OGSÅ:
- LES OGSÅ:
Frå før av er artistar som The Hives, Kvelertak, First Aid Kit og Black Debbath klare for festivalen 18.–20. juli, men festivalsjefen seier det kjem meir.
– Vi slepp resten av programmet 26. mars, avsluttar Naustdal.
Det er 11. gong festivalen vert arrangert og i fjor var det utseld med 17.000 besøkjande.