– Vi var faktisk heilt sikre på at med det her skiltet, så måtte dei klare å levere avisa på laurdag, seier Haukadal.
Dei siste vekene har mange opplevd å ikkje få avisene sine på laurdagar. Det starta då bodfirmaet Kvikkas tok over distribusjonen av laurdagsavisene. Det er særleg husstandar utan gateadresse som ikkje har fått aviser.
– Det er ikkje ein einaste person på sørsida av Lustrafjorden som har fått laurdagsavis i november. Eg skjønar at dei ikkje er kjent her, men vi bur faktisk langs hovudvegen, og vi har ei gateadresse, seier Haukadal.
Fekk feil avis
Med det heimelaga skiltet trudde ho i alle fall at Kvikkas måtte skjøne at ho skulle ha avis, men heller ikkje denne gongen fekk ho Sogn Avis slik ho pleier.
FEKK IKKJE SOGN AVIS: Nok ei helg måtte Anne Lise Haukadal klare seg utan Sogn Avis.
Foto: privat– Vi fekk ikkje Sogn Avis, men nokon hadde lagt ei utgåve av Firda oppå skiltet vårt. Vi abonnerar ikkje på Firda, så det verkar nesten som om dei prøver å tulle med oss.
Ikkje sur på Sogn Avis
Men Haukadal tykkjer ikkje det v ar noko morosamt, ho har nemleg veldig lyst på laurdagsavisa. Ho fortel at ho no er ganske oppgitt, men at ho likevel ikkje er sur på Sogn Avis.
– Eg forstår at Sogn Avis ikkje har noko med dette å gjere, så det er jo ikkje dei eg er irritert på. Eg likar avisa veldig godt, og har ikkje vurdert å seie opp abonnementet. Eg vil berre ha avisa!
Kvikkas har ikkje svart NRK sine førespurnader i dag, men har tidlegare sagt at dei jobbar på spreng med å få avisene ut til alle. Dei har og sagt at det har blitt betre enn det var i byrjinga av månaden.
