16-åringen frå Sandane debuterte laurdag i senior-NM. Det skjedde i Tønsberg der han stilte til start på 100 meter. Mardal sprang i det tredje kvalifiseringsheatet og sprang inn til tida 11.39.
Det heldt ikkje til å ta seg vidare, men Mardal ser ingen grunn til å vere misfornøgd av den grunn.
– Eg hang litt etter frå starten av, men så klarte eg å springe jamt med dei andre frå ca 60 meter og inn. Det er der eg brukar vere raskast, seier han til NRK.no.
- LES OGSÅ:
Har fått meirsmak
Tida 11,39 er eit stykke bak hans eigen personlege rekord på 11,16.
– Men løpet i dag gjekk tidleg på morgonen, og det var litt motvind. Pluss at eg ikkje har fått trent like mykje som eg hadde håpa i år grunna ei lita skade i ryggen, seier han til NRK.no.
Likevel ser han ingen grunn til å deppe over dagens prestasjon. Å kvalifisere seg til semifinale og eventuelt ta seg vidare til finale var ikkje noko han hadde venta seg på førehand heller, seier han.
– Fekk du meirsmak av dette?
– Absolutt! Det er alltid kjekt å vere med på store meisterskap!
– Skremde det deg at det er så mange som er så mykje betre enn deg?
– Nei, det er mange som ligg på eit tidel betre, men allereie neste år håpar eg å klatre fleire plasseringar, seier han og seier han kjem til å satse på friidretten framover.
Til neste år håpar han at han skal stille til start også i lengde og kanskje også i diskos.
– Det er blant dei øvingane eg er best, seier han.
Førde-guten Jostein Joshua Fossøy var nokre hakk betre enn Mardal og tok seg vidare til semifinalen.
- LES OGSÅ: