–Både i dag og i morgon er det stor sjanse for kvitt om morgonen og kvelden. Folk bør vurdere vinterdekk. Ein bil har allereie vore utfor vegen på Filefjell, seier Jan Erikstad i Statens vegvesen.
Det gjekk bra med både bil og førar på Filefjell. Erikstad fortel at det er meldt nedbør og ganske kaldt heile dagen, og at ein brøytebil vore i aksjon.
– Folk må rekne med at det kan vere glatt på nokre parti i dag.
Spesielt morgon og kveld
Biletet lenger oppe syner situasjonen på Fylkesveg 50 mellom Aurland og Hol, Riksveg 50 på Hemsedalsfjellet og E16 over Filefjell.
– Dersom folk skal over dei neste to dagane bør dei vurdere vinterdekk, spesielt om dei skal over på morgon eller kveld, seier Erikstad.
– Midt på dagen vil det nok vere betre, seier han.
Må rekne det for vinterfjell frå laurdag
Erikstad seier at det ser ut til å bli mildare på torsdag, fredag og på dagen laurdag.
Men frå laurdag kveld vil det verte kaldare, fortel han.
– Frå laurdag kveld og utover må ein rekne det for vinterfjell. Etter langtidsvarselet er det vinterdekk frå då av. Men meldingane vil sjølvsagt variere. påpeikar han.