I andre runde i fotballcupen møtte Fyllingen torsdag Songdal.
Per Egil Flo i Songdal scora det einaste målet i første omgang, og stillinga stod 1-0 til Songdal til pause.
Fyllingen-trenar Kjetil Knutsen var ikkje nøgd med første omgang av kampen, men han såg moglegheiter for andre omgang.
Mot slutten av andre omgang scora Ole Jørgen Halvorsen for Songdal, og kampen enda 2-0 til Sogndal.
Fyllingen er skuffa
– Me hadde trua på at me kunne slå Songdal, og då er me skuffa over at me rykk ut, seier Kjetil Knutsen.
Han er godt fornøgd med andre omgang.
– I andre omgang var me verkeleg gode. Då styrte me kampen fullstendig og hadde enormt med sjansar. Eg synest gutane gjer ein utruleg fin innsats. Eg er litt skuffa over at me ikkje får ei uttelling, men sjansemessig er det me som vinn denne kampen, seier Knutsen.