Bru- og vegprosjektet skal knyte kommunane Askvoll og Fjaler saman, og er kostnadsrekna til 900 millionar kroner.
- LES OGSÅ: Milepæl for Dalsfjordbrua
Men når prosjektet står klart neste haust, fryktar geolog Einar Alsaker at det blir sett trafikk på ei ny rasstrekning. Han fryktar spesielt Heileberget mellom Otterstein og Eikenes i Askvoll.
- LES OGSÅ: Første salve for Dalsfjordbrua
– I området der det går veg mellom Askvoll og Førde, spesielt Hestvik – Heilevang, så vil dette området vere endå meir utsett enn det. Og vi veit jo kor farleg det er, seier han.
Fryktar nye Kjøsnesfjorden
Spesielt på ei kring to kilometer lang strekkje på askvollsida fryktar Alsaker tilstandar som i Kjøsnesfjorden i Jølster, med ras, farlege situasjonar og stengde vegar.
I Kjøsnesfjorden tok ein raspunkt med ein lengre tunnel. Vegvesenet har seinare vedgått at det er ynskjeleg med ytterlegare rassikringstiltak.
- LES OGSÅ: Kampen om Dalsfjordsambandet
– Eg er redd for at vi kan få ein ny Kjøsnesfjorden-problematikk. Der var bygd ein veg som viste seg å ha store problem med steinsprang og skred, seier geologen.
Uaktuelt med tunnel
Alsaker meiner området vil bli så rasutsett at ein i staden burde byggje tunnel. Det seier geolog i Statens vegvesen, Svein Helge Frækaland, er uaktuelt.
- LES OGSÅ: Lastebil knust av tunnelras
- LES OGSÅ: Vegarbeidarar uroa i Dalsfjorden
Han avviser at delar av strekninga på Dalsfjordsambandet er svært rasfarleg.
– Vår geologiske konsulent i NGI, Øystein Grimstad, og eg har gått over fjellsida på jakt etter ferske utfall etter ras- og steinsprang. Vi har funne få slike stadar. Dei stadane vi har funne har vi lagt inn i konkurransegrunnlaget til entreprenør, så dei skulle gå over og sikre, seier han.