Arvid Gilje er brannsjef i Aurland kommune. Der har det vore mange farlege brannar i vogntog inne i lange og bratte tunnelar.
– Det er synd det må skje alvorlege brannar før det kjem løyvingar. Men eg trur nok det at det no blir fortgang på å få pengar til sikring av slike tunnelar.
Brann i Oslofjordtunnelen
Han ser med skrekk på det skjedde i Oslofjordtunnelen i førre veke. Der tok eit utanlandsk vogntog fyr fordi at bremsene vart for varme. Gilje seier bratte tunnelar er farlege.
– Dei har hatt mange brannar og dei endå farlegare når det er brattare. For då kjem røyken raskare opp, og det blir ein slags skorsteinseffekt.
- LES OGSÅ:
- LES OGSÅ:
Har stengt tunnelar
Brannsjefen i Aurland har stengt tunnelar før på grunn av dårleg sikring. Han har vore inne på tanken om å gjere det på nytt. No vil ha nye risikovurderingar i alle tunnelar i kommunen.
– Fyrste steg er risikovurdering, og der er jo avvik i tunnelane her i dag etter tilsyn. Dessverre får dei altfor små løyvingar slik at vi ikkje får lukka avvika.
Han fryktar at det kan skje brannar i tunnelane i kommunen.
– Vi har vore heldige at det ikkje har omkomme nokon i brannar.