Fryktar fleire får klamydia

Fylkeslege Per Stensland likar dårleg at mange av russeknutane handlar om sex. Han sler fast at det er like stor risiko for å få kjønnssjukdomar her i fylket, som i dei store byane.

– Vi er ikkje verna mot kjønnssjukdommar i Sogn og Fjordane. Det er ikkje berre i byane at det er ein stor risiko for å få svie og ubehag i underlivet etter seksuell kontakt.

• LES OGSÅ: Sex med ti gir knute i lua
• LES OGSÅ: – Vi kan ikkje legge skulda på jentene, vi må gjere det motsette

Fryktar redusert dømmekraft

Fylkeslegen reagerer sterkt på det som har kome fram dei siste dagane om at russen kan få knute i lua om dei har sex med ti medruss.

– Det å ha kontakt med mange partnerar aukar risikoen for å bli smitta av kjønnssjukdommar.

• LES OGSÅ: – Jentene må ta ansvar og vere tydlege på at dei ikkje vil ha sex
• LES OGSÅ: Russeknutar kan føre til overgrep

– Kan føre til fleire overgrep

Han fryktar ikkje berre stadig fleire tilfelle av kjønns-sjukdomen klamydia, men og psykiske langtidseffektar av uvøren seksuell adferd i russetida.

Både her i fylket, og andre stader i landet har det vore meldt om moglege seksuelle lovbrot knytt til russefeiringa. Fylkeslegen er klar på at det er eit stadig auka fokus på sex blant russen og i andre ungdomsmiljø.

– Dette kan føre til gi ein auka fare for overgrep, seier fylkeslegen.

• LES OGSÅ: Dei to involverte i valdtektssaka kjende kvarandre frå før
• LES OGSÅ: Dette er sexvett-reglane for russen