– Vi har allereie bestilt fire trailerlass med 22 tonn grovfôr, seier Kjell Arne Herstad.
Han er medeigar i Tune samdrift i Åsedalen i Naustdal og er svært fortvila over situasjonen.
Elendige avlingar på grunn av mellom anna isbrann og avrenning gjer at fleire bønder må kjøpe store mengder fôr. Berre ved samdrifta i Åsedalen har dei måtte kjøpe fôr for 350.000 kroner.
– No lurer vi på om vi må bestille ein ekstra trailer. For oss er det så gale at vi nesten har fått halv avling, seier Herstad oppgitt.
Aldri opplevd maken til etterspurnad
For å få dyra til å produsere mest mogleg kjøt og mjølk er det tøffe krav til mengde og kvalitet på grovfôret. Dette kombinert med dårlege avlingar i år, gjer at mange bønder har altfor lite mat til dyra sine.
Alf Steinhovden i Vestfôr AS i Eikefjorden merkar det godt. Han har drive med kjøp og vidaresal av grovfôr i 20 år, og har aldri opplevd større etterspurnad enn i år.
– Eg merkar det godt på telefonen. Etterspurnaden har vore der i heile sommar, og det er ikkje vanleg.
– Eg brukar å ha fri frå fôrsalet om sommaren, men i sommar er det mange som har kjøpt fôr for å drive sommarmjølkproduksjon, seier han og fortel at enkelte bønder også har fått beita sine øydelagde.
- LES OGSÅ:
– Store meirkostnader
Leiar i Bondelaget i Sogn og Fjordane, Per Hilleren, fryktar at fôrmangelen gjer at mange får problem med lønsemda.
– Det kjem litt an på korleis prisutviklinga er på fôret, men uansett er dette ein meirkostnad for næringa, seier Hilleren.
- LES OGSÅ:
- LES OGSÅ:
- LES OGSÅ:
- LES OGSÅ:
- LES OGSÅ:
(Artikkelen held fram under biletet)
400 vogntog med fôr
Steinhovden, som selde fôr for nær 14 millionar kroner i fjor, kjøper mesteparten av fôret frå norske produsentar, men han kjøper også mykje frå Sverige. Denne vintersesongen trur han det kan gå tomt før neste sommar.
– I år blir det nok bortimot 400 vogntog til Vestlandet, om eg greier å skaffe det. Og eg trur vi kjem til å selje oss tomme, så når vi kjem til mars, april og mai, så kan det vere eg har problem med å skaffe meir, seier han.
– Eit normalt år sel eg rundt 200–300 lastebillass, men i år trur eg altså at eg det vil ende på 100 lass meir.
– Dramatisk
Den andre medeigaren i Tune samdrift, Kjell Aase, fortel at det vil merkast veldig godt på botnlina at dei må kjøpe så mykje fôr.
– Dette er dramatisk. Vi skal greie å ri av stormen i år, men skjer dette ofte vil det vere slitsamt økonomisk.
– Det er store tal vi snakkar om, og det merkar vi på botnlinja, seier han.