– For oss som bur i distrikta blir det ekstra ille i forhold til dei som bur sentralt. Bensinprisane er blitt frykteleg høge, seier Anne Taraldset.
- LES OGSÅ:
Og dette er ho ikkje åleine om å meina. NRK tok seg ein tur til bensinstasjonane i Førde, og alle seier det same: veldig dyrt, for høge prisar, altfor høge... Bjarne Thuve seier det til og med tre gonger:
– Altfor dyrt, altfor dyrt, altfor dyrt.
DYR BENSIN: Nokre stader i distriktet er prisane endå høgare.
Foto: Gry Brekke Hustveit / NRKPositive sider
Sjølv om mange er frustrerte er det også nokon som finn positive sider ved dei dyre prisane:
– Det kan jo vera oppdragande med tanke på at vi nok køyrer litt for mykje, seier Borghild Skadal Midttun.
Stor etterspurnad
Uro i andre deler av verda er med på å auka prisane her i Norge.
– Det er mange ting som spelar inn, men i hovudsak går dette på at tilbodssida ikkje veks i same tak som etterspurnaden frå fleire store land, seier oljeanalytiker Torbjørn Kjus i DnB NOR Markets til NRK.
Litt i meste laget
Dette gjer at prisen i Førde i dag var nesten 14 kroner, og andre stader har han nærma seg 15.
BENSINSLUK: Vigdis Mikalsen vil ikkje bytte bil for å spare pengar.
Foto: Gry Brekke Hustveit / NRKVigdis Hellevang Mikalsen må smugkikka litt for å sjekka prisen, og blir overraska over det ho ser.
– Det var litt i meste laget. Men eg har ikkje lyst til å skifta bil berre fordi han brukar ganske mykje bensin. Eg likar bilen min, seier den fornøgde Subaru-eigaren Mikalsen.
- Kva meiner du? Sei di meining i kommentarfeltet under.