Smittevernlege i Førde Thomas Følsche seier laurdag føremiddag at Førde kommune er ferdig med å vaksinere risikogruppene mot svineinfluensa.
- I dag har vi vaksinert rundt eit par hundre, og vi merkar at pågangen ikkje er så stor lenger, seier Følsche.
Førde kommune har no fått tusen nye dosar med influensavaksine, og går laurdag ut med tilbod om vaksine til samfunnskritiske grupper som til dømes tilsette i politi, brannvesen, Sunnfjord Miljøverk og Sunnfjord Energi. Også pårørande til smitteutsette personar, som for eksempel små barn, får no tilbod.
Følscher seier at han enno ikkje veit kor tid alle innbyggjarane i Førde kommune får tilbod om vaksine.