– Han har truga familien og politiet verbalt. Han ringde sjølv til politiet og sette fram trugslane. Det var både draps- og valdstrugslar, seier lensmann i Vågsøy, Tormod Hvattum.
TRUGA: Ein mann i Vågsøy kom med både draps- og valdstrugslar mot politiet i Vågsøy tidlegare denne veka. No er han varetektsfengsla i fire veker, seier lensmann Tormod Hvattum.
Foto: Hildegunn Løken Holtan / Fjordenes TidendeMannen i 50-åra er kjent av politiet frå tidlegare, og skal også ha kome med trugslar før. I tillegg er han no mistenkt for fleire andre forhold.
– Han er også mistenkt for heleri og skadeverk. Vi fann ting på bustaden hans som vi meiner stammar frå tidlegare innbrot i området, fortel Hvattum.