Femdoblar produksjonen av øl

Det er Fjordabladet som skriv om dei ambisiøse planane til ølbryggjar Espen Lothe i Florø. Spesielt det siste året har etterspurnaden gått til vêrs, og no ser han seg nøydd til å utvida produksjonen frå 200 000 liter til ein million liter i året.

• LES OGSÅ: Ægir og Kinn kan bli Årets øl
• LES OGSÅ: Lokale bryggeri klarer ikkje produserere nok øl

Bryggeriet som held til i Florø, flyttar inn i nye lokale i april. Det lokale ølet har nærast blitt rive ut av butikkhyllene. Særleg før jul, var det mange som ikkje fekk tak i det lokalt produserte ølet.

Det nye lokalet er på 560 kvadratmeter, noko som er mykje større enn dei 80 kvadratmetrane bryggeriet har i dag.

– Med ein produksjon på 200 000 liter klarer vi ikkje lage nok til alle som vil ha. Målet vårt no er å femdoble produksjonen, seier han til Fjordabladet.

• LES OGSÅ: Juleølet utseld på eit døgn
• LES OGSÅ: Rekordår for dei lokale bryggeria