Fekk snøskred rett i bilsida

Snøskredet gjekk i 08-tida ved Eidsfjorden, melder firda.no .

• SJÅ: OPPDATERTE VEGMELDINGAR FOR SOGN OG FJORDANE

- Det var litt skummelt. Eg trudde vi kom til å hamne utfor vegen, fortel Hanne Mjåseth til avisa.

Var redde

16-åringen var mellom fleire skuleungdomar som skulle nå ferja mellom Eikenes og Dale, der dei går på vidaregåande skule. På nedsida av vegen er det bratt ned i sjøen. Mjåseth fortel at dei var redde for at det skulle komme fleire skred.

Ein brøytebil fekk bilen laus frå snømassane og rydda vekk skredet.

Stengde vegar

Skredet er ikkje det einaste som har gått dei siste dagane. Fredag vart ein kvinneleg bilist begravd av store snømasser ved Haukåtunnelen i Flora.

• LES OGSÅ: Fredag 5. mars - ein dag med kaos

Fleire vegar var måndag morgon stengde som følgje av snøskred eller snøskredfare .