Den unge honndølen er ein av tre debutantar på det norske laget som vart presentert av landslagssjef Alexander Stöckl på Gardermoen i dag.
21-åringen blir ein av sju nordmenn som reiser til Obsterdorf der hoppveka opnar neste søndag.
- LES OGSÅ:
Det er over 30 år sidan ein hoppar frå Sogn og Fjordane har fått delta i hoppveka og Fannemel skriv seg dermed inn i historiebøkene. Rune Haugen frå Hafslo i Sogn deltok i den tysk-austteriske hoppveka i 1977/1978.
Norge sitt lag i hoppveka blir som følgjer:
- Tom Hilde (Asker)
- Anders Bardal (Steinkjer)
- Rune Velta (Lommedalen)
- Andreas Stjernen (Sprova)
- Anders Fannemel (Hornindal)
- Vegard Swensen (Asker)
- Anders Jacobsen
Både Fannemel, Andreas Stjernen og Vegard Swensen debuterer i den tradisjonelle konkurransen.
Kor godt Fannemel gjer det er det ingen som veit enno, men NRK sin hoppekspert, Arne Scheie, har god tru på at Fannemel kan gjere det bra.
– Swensen har vore blant dei beste i Kontinentalcupen, medan Fannemel har pallplasseringar i verdscupen. Alle som er tekne ut har gode føresetnader, seier Arne Scheie til NRK.no.
- LES OGSÅ:
- LES OGSÅ:
Samtidig som landslagssjef Alexander Stöckl presenterte laget for hoppveka, kom også nyheita om at han har forlenga kontrakten som sjef for hopparane til etter Falun-VM i 2015.