Den ni år gamle flyktningen Ilda og familien hennar må returnere til heimlandet Kosovo etter to år i Førde.
Familien har fått endeleg avslag på søknaden om asyl.
- LES OGSÅ:
- Eg bli litt lei meg når eg må reise frå vennene mine. Vi har vore i mange land, og vennene mine byrjar alltid å gråte når vi reiser, seier Ilda.
- Eg likar Ilda godt
Familien hennar hadde vore på flukt i ni år før dei kom til Førde - og Ilda har med andre ord levd på flukt nesten heile livet. I Sunnfjord er familien integrert.
Då NRK snakka med 9-åringen, var ho i full vigør på skuleplassen saman med vennene sine.
- Eg synest det er veldig dumt at Ilda må reise. Eg er god venn med henne, og likar ho godt, seier venninna Marthe Holme.
- Ein hån mot barnekonvensjonen
No meiner støttegruppa til familien frå Kosovo at norske styresmakter bryt FN sin barnekonvensjon.
- LES OGSÅ:
- Eg ser på dette vedtaket som ein hån mot barnekonvensjonen, seier Turid Bruland.
- Norske styresmakter seier at dei held seg til barnekonvensjonen, men dei set andre omsyn først. Dermed bryt dei barnekonvensjonen, meiner leiar for Barna først, Johan Bengtsson.
Vil ha prøvd sakene i uhilda organ
Også Norvall Nøringset i SV i Førde reagerer på utsendinga. Gruppeleiaren meiner Stortinget må ha ei full høyring på asylpolitikken sin sett i forhold til FN-konvensjonen.
- Eg skulle gjerne ha sett at dette vart prøvd i eit system, der vi fekk svar på om slike vedtak verkeleg er i tråd med barnekonvensjonen, seier han.
Vedtaket frå Utlendingsnemnda inneber at familien frå Kosovo må vere ute av landet innan 25. juni.