Er dette nedleging av sjukehusa?

Det skriv statsråd Anne-Grethe Strøm-Erichsen i eit brev til Vågsøy kommune.

• LES BREVET: Er dette nedlegging av Nordfjord Sjukehus? (pdf)

Helseministeren skriv vidare at ho har klare forventingar til at Helse Vest fangar opp dei politiske signala som er gjevne om lokalsjukehuset generelt og Helse Førde spesielt - og at dette har styrt Helse Vest sine vedtak.

Ordførar Roger B. Silden viser til dette brevet når han resignerer ovanfor si eiga regjering og melder seg ut av Arbeidarpartiet i protest . Han tolkar brevet som ei nedlegging av Nordfjord sjukehus.

- Slik eg tolkar det brevet, støttar Helse- og sosialministeren det Helse Vest har gjort. Det kan eg ikkje leve med som Arbeidarpartimann, seier han.

Brevet kjem som svar på spørsmål frå Vågsøy kommune om å la ei ideell stifting ta over drifta av sjukehuset på Nordfjordeid. Dei viste til gåvebrevet frå engelskmannen William Singer som i si tid betalte for sjukehuset.

• LES OGSÅ: - Må gje sjukehus til humanitære organisasjonar

I gåvebrevet står det at ideelle organisasjonar skal få sjukehuset dersom det offentlege legg det ned.

• LES OGSÅ: Privat sjukehus vil overta på Eid

Statsråden avviser problemstillinga ved igjen å slå fast at sjukehuset ikkje skal leggast ned, men få andre oppgåver retta mot dei store pasientgruppene av eldre menneske og pasientar med kroniske sjukdomar og livstilssjukdomar.