Azar Karadas var den fyrste av Brann-spelarane som måtte ut på båre.
Etter berre 22 minutt kasta han seg ned på graset etter å ha slått ei pasning.
Rodolph Austin klarte 41.minutt før han hamna på båra. Skaden oppstod etter ei takling frå ein Glimt-spelar.
Rett på røntgen
Begge spelarane hadde allereie vore til røntgen før kampen var slutt. Og
tilbakemeldingane var heldigvis av den bedre sorten.
Azar Karadas fekk påvist ein mindre strekk i et leddbånd i kneet.
Rodolph Austin hadde ingen brot i sin ankel og kan vere tilbake på bana om ikkje lenge.
NRK Hordaland sin ekspertkommentator, Geirmund Brendesæter, meiner skadane ikkje vil ramma Brann så hardt.
- Det er god dekning for begge desse spelarane i Eirik Bakke og David Nielsen.
Kanonstart
Brann fekk den best moglege starten på kampen då dei fekk straffe etter berre fire minutt.
(artikkelen fortset under bildet)
Olafur Örn Bjarnason var sikker frå krittmerket og skaut Brann i leiinga.
Men botnlaget i gult kom seg inn igjen i kampen etter halvspelt omgang. Det kan dei takka Håkon Opdal for. Han missa på ein enkel ball og Thiago Martins var nådelaus.
Brann brukte berre nokre minutt til å koma i leiinga igjen. Denne gongen var det Rodolph Austin som skåra.
Brann auka leiinga to gonger før Bodø/Glimt fekk eit trøystemål på overtid.