Politiet fekk melding om båtbrannen klokka 13.23 søndag ettermiddag, fortel Morten Kronen i Hordaland politidistrikt.
– Det er snakk om ein fritidsbåt på 28 fot som står i brann like utanfor Korsneset i Fana, seier Kronen til NRK.no like etter klokka 13.30.
Det var ein person ombord i båten då den byrja å brenne. Han vart redda over i ein anna båt som var like ved.
– Han forsøkte først å slukke brannen, men det vart for mykje røyk og flammar til at han klarte det sjølv, seier Kronen.
Brannvesenet rykka ut med to båtar til staden.