Tal frå Statens helsetilsyn viser at dei i fjor kalla tilbake til saman 95 autorisasjonar og gav 97 åtvaringar til helsepersonell.
I Sogn og Fjordane var det ein arbeidar som fekk inndrege autorisasjonen sin, medan ein person fekk avgrensa lisensen sin. I tillegg fekk fem tilsette innan helsesektoren i fylket ei åtvaring.
Statens helsetilsyn reagerte også mot ei verksemd etter pliktbrot.
I dei fleste tilfella der tilsynet har kalla tilbake autorisasjonane er dette på grunn av misbruk av rusmiddel og åtferd som ikkje går saman med det å vere helsearbeidar.
Slik åtferd omfattar mellom anna tjuveri av legemiddel, eller handlingar både i og utanfor tenesta som svekker tilliten til helsepersonell i så stor grad at ein blir ueigna. Dette er til dømes vald mot pasientar og narkotikabrotsverk, skriv Helsetilsynet i sin rapport.